Giyera ng mga Iskolar

             Edukasyon ang isa sa mga susi sa tagumpay. Sa pamamagitan ng edukasyon ang tao ay natututo ng mas malawak at malalim pang kaisipan na nakatutulong sa paghubog ng katauhan. Sa paaralan, sa simula, unti-unting nahuhubog ang ating kakayahan sa pagsulat at pagbasa na itinuro rin ng ating mga magulang. Hanggang umabot na sa kalaunan na natututo na tayong ipaglaban ang ang tamang katwiran, magbigay opinyon at sumagot ng tama.

           

             Bata pa lamang ako naririnig ko na ang salitang "iskolar". At ang sarap pala sa pakiramdam maging isang iskolar, ngunit sa kabilang banda may mga iskolar na nahihiyang tawagin silang iskolar na totoo naman at dapat nilang ipagmalaki. Dahil kung ating iisipin, sa libo libong kabataang napilitang huminto dahil sa kakapusan ng perang pangtustos ay isa kang mapalad bilang isang iskolar.

Sapagkat ayon na din sa pag aaral ng UNESCO noong 2008, 73% o pito sa sampung estudyante ang napipilitang tumigil sa pag aaral dahil sa taas ng mga bayarin sa paaralan. At sa kolehiyo, 22% o dalawa sa sampung estudyante lamang ang nakakapasok sa pamantasan.

            Sa tuwing may nagtatanong sa akin kung saan ako nag aaral at kung magkano ang aking binabayaran sa  aking pinapasukan..napapangiti ako at buong puso kong ipinagmamalaki na sa LA VERDAD CHRISTIAN COLLEGE ako nag aaral at wala akong binabayaran dahil isa akong iskolar.

Sa institusyong ito ko nalaman ang tunay na kahulugan ng isang iskolar. Marahil ang ibang tao ay hindi pa ito gaanong kilala ngunit dahil dito naisasakatuparan ko ang aking mga pangarap.

Saan ka nga ba makakakita ng institusyong walang hinihinging bayad sa pag aaral kundi pag papasalamat lamang sa Diyos at matuto ng mga kaalaman ang kailangan. Walang binabayaran kahit magkano. Dahil libre ang lahat, ang tuition fee, pagkain, uniform, pamasahe, dormitoryo, air condition na kwarto at kung anu ano pa. Sapagkat ang lahat ng iyon ay dahil sa Diyos at ginawang daan sina  Bro. Eli Soriano at Kuya Daniel Razon.

          Ang buhay iskolar ay napakaraming pinagdaraanang hirap sa pag aaral. Mga siryosong bagay na dapat bigyang kaukulang pansin na makatutulong para sa kinabukasan. Ang pagsusunog ng kilay ay tanda ng pagiging tapat sa tungkulin bilang estudyante at iskolar.
              

-Feature News-